မြန်မာနိုင်ငံတွင် အကြီးမားဆုံး ရေအားလျှပ်စစ် စီမံကိန်း တစ်ခု ဖြစ်သည့် ရဲရွာရေအားလျှပ်စစ်စီမံကိန်း အရှိန်အဟုန်မြှင့် တည် ဆောက်လျက်ရှိ

(ရန်ကုန် အောက်တိုဘာ ၈၊ ၂၀၀၈)

  • ခေတ်မီဖွံ့ဖြိုးတိုးတက်သော နိုင်ငံတော်သစ်တည်ဆောက်ရာတွင် လျှပ်စစ်စွမ်းအားသည် အဓိက ကျသောကဏ္ဍမှ ပါဝင်လျက်ရှိပြီး နိုင်ငံတော်နှင့် ပြည်သူတို့အတွက် မရှိမဖြစ်လိုအပ်သော စွမ်းအင် တစ်ရပ်ဖြစ်သည်။
ရေအရင်းအမြစ်
  • မြန်မာနိုင်ငံအတွင်း လျှပ်စစ်ဓာတ်အား တိုးတက်ရရှိရေးအတွက် နိုင်ငံတော်အကြီးအကဲ များ၏ လမ်းညွှန်ချက်နှင့်အညီ အမှတ်(၁)လျှပ်စစ်စွမ်းအားဝန်ကြီးဌာနမှ မြန်မာပြည်တစ်လွှား တောင်ပေါ်၊ မြေပြန့် ခြေဆန့်ကာ ပြန်လည်ပြည့်ဖြိုးမြဲဖြစ်သော ရေအရင်းအမြစ်များကို အခြေခံ၍ အရင်းအနှီးများပြီး နှစ်ရှည်လများ တည်ဆောက်ရသော အလတ်စားနှင့်အကြီးစား ရေအားလျှပ်စစ်စီမံကိန်းများကို နေ့မအား ညမနား အရှိန်အဟုန်မြှင့်၍ နိုင်ငံတစ်ဝန်း ကြိုးပမ်း တည်ဆောက်လျက်ရှိသည်။

တမံထုထည်

  • ထိုသို့ တည်ဆောက်လျှက်ရှိသော ရေအားလျှပ်စစ်စီမံကိန်းများအနက် မန္တလေးတိုင်းအတွင်း တည်ဆောက်အကောင်အထည်ဖော်လျှက်ရှိသော ရဲရွာရေအားလျှပ်စစ်စီမံကိန်းမှာ မြန်မာနိုင်ငံတွင် အကြီးမားဆုံး ရေအားလျှပ်စစ်စီမံကိန်းတစ်ခု ဖြစ်သကဲ့သို့ ၂၀၀၅ ခုနှစ်၊ စစ်တမ်းအရ ရဲရွာရေအား လျှပ်စစ်စီမံကိန်းတွင် တည်ဆောက်နေသည့် တမံထုထည်သည် ကမ္ဘာပေါ်၌ တတိယအကြီးဆုံးနှင့် တမံအမြင့်မှာ ပဉ္စမနေရာတွင် ရှိကြောင်း ဂုဏ်ယူဝံ့ကြွားဖွယ်ရာ သိရသည်။
အများဆုံး
  • တည်ဆောက်ပြီး၊ တည်ဆောက်ဆဲ ရေအားလျှပ်စစ်စီမံကိန်းများတွင် ရဲရွာရေအားလျှပ်စစ် စီမံကိန်းသည် လျှပ်စစ်ဓာတ်အား အများဆုံး ထုတ်လုပ်ပေးမည့် စီမံကိန်းလည်း ဖြစ်သည်။
ထူးခြားချက်
  • ရဲရွာရေအားလျှပ်စစ်စီမံကိန်းသည် အခြားရေအားလျှပ်စစ်စီမံကိန်းများနှင့်မတူ တစ်မူထူးခြား သော စီမံကိန်းဖြစ်သည်။ စီမံကိန်း၏ ထူးခြားချက်မှာ ရေလှောင်တမံသည် အခြားစီမံကိန်းများကဲ့သို့ မြေသားတမံ၊ ကျောက်ဖြည့်တမံမဟုတ်ဘဲ ကွန်ကရစ်တမံ Roller Compacted Concrete Dam (၀ါ) RCC Dam အမျိုးအစား ဖြစ်သည်။ RCC Dam ကွန်ကရစ်တမံမှာ မြန်မာနိုင်ငံတွင် ရဲရွာရေအားလျှပ်စစ် စီမံကိန်းမှ အစပြုသည်ဟုပင် ဆိုရပါမည်။
  • ထို့အတူ ရဲရွာရေအားလျှပ်စစ်စီမံကိန်း၏ နောက်ထူးခြားချက်မှာ ဓာတ်အားပေးစက်ရုံ တည်ဆောက်ရေး လုပ်ငန်းခွင်သို့ မိုးရာသီ၌ မြစ်ရေစီးဝင်ခြင်းမှ ကာကွယ်ရန်အတွက် လည်းကောင်း၊ RCC ကွန်ကရစ်ကို ဖျော်စက်မှ တမံတည်ဆောက်မည့်နေရာသို့ သယ်ဆောင်မည့် Beltconveyor စင်များ တပ်ဆင်နိုင်ရန် လည်းကောင်း၊ စီမံကိန်းပြီးစီးပါက ဓာတ်အားပေးစက်ရုံနှင့် နီးကပ်စွာ တည်ရှိသော ရေပိုလွှဲမှ စီးကျရေများ ဓာတ်အားပေးစက်ရုံသို့ စီးဝင်ခြင်းမရှိစေရန်အတွက် လည်းကောင်း ရည်ရွယ်၍ အလျား ၅၆၈ ပေ၊ အနံ ပေ ၅၀နှင့် အမြင့် ၁၂၁ ပေရှိ ရေကာနံရံ Separation Wall တစ်ခုကိုလည်း ထည့်သွင်း တည်ဆောက်ထားကြောင်း သိရသည်။
  • အဆိုပါ ရေကာနံရံမှာလည်း ရဲရွာရေအားလျှပ်စစ်စီမံကိန်းတွင်သာ ပထမဦးစွာ ထည့်သွင်း တည်ဆောက်ခြင်း ဖြစ်ပေသည်။
ဝိသေသများ
  • ထိုသို့ ထူးခြားသော ၀ိသေသများပါရှိသည့် ရဲရွာရေအားလျှပ်စစ်စီမံကိန်းကို မန္တလေးတိုင်း၊ မန္တလေးမြို့၏ အရှေ့တောင်ဘက် ၃၁ မိုင်ခန့်အကွာ ရဲယမန်းရွာအနီး မြစ်ငယ်မြစ်ပေါ်တွင် အမှတ်(၁) လျှပ်စစ်စွမ်းအားဝန်ကြီးဌာန၊ ရေအားလျှပ်စစ်အကောင်အထည်ဖော်ရေးဦးစီးဌာန၊ အမှတ်(၂) တည်ဆောက်ရေးမှ တည်ဆောက်အကောင်အထည်ဖော်လျက်ရှိသည်။
ရေပမာဏ
  • မြစ်ငယ်မြစ်၏ ရေဆင်းဧရိယာမှာ စတုရန်းမိုင် ၁၀၈၉၀ ရှိပြီး နှစ်စဉ်ပျမ်းမျှ မိုးရေချိန် ၃၃ လက်မ (မန္တလေးစခန်း)၊ နှစ်စဉ်ပျမ်းမျှ စီးဝင်ရေ ၁၂၁ သိန်း ဧကပေရှိရာ အဆိုပါရေများကို အလဟသ မဖြစ်စေရန်အတွက် ကန်ရေပြည့်ရေလှောင်ပမာဏ ၂၁ ဒသမ ၁၄ သိန်း ဧကပေ၊ ကန်ရေသေ ရေလှောင်ပမာဏ ၁၃ ဒသမ ၀၄ သိန်း ဧကပေ သိုလှောင်နိုင်ပြီး ကန်ရေပြည့်ရေပြင်ကျယ် ဧရိယာ ၁၄၅၈၀ ဧက ၂၃ စတုရန်းမိုင် ပမာဏရှိ ရေလှောင်တမံကို အလျား ၂၂၆၄ ပေ၊ ရေလှောင်တမံအမြင့် ၄၃၃ ပေရှိ ကွန်ကရစ်တမံ Roller Compacted Concrete Dam တည်ဆောက်ပြီး မိုးတွင်းကာလ (မိုးရာသီ)တွင် မြစ်ငယ်မြစ်အတွင်း စီးဝင်သမျှရေများကို “စီးတဲ့ရေ ဆယ်တဲ့ရေလှောင်တမံ” ဆိုသကဲ့သို့ လိုအပ်သမျှ ရေပမာဏကို စုဆောင်းသိုလှောင်ထားမည်ဖြစ်သည်။
  • အသုံးမလို၍ ပိုလျှံသော ရေများကို အကျယ် ၅၆ ပေ၊ အမြင့် ၃၉ ပေရှိ ရေထွက်ပေါက် ရှစ်ပေါက်ပါရှိသော စုစုပေါင်း ၄၄၈ ပေ အကျယ်ရှိ ရေတံခါးမပါသော ရေပိုလွှဲ (Ogeetype, Ungated)မှ ရေထုတ်လွှတ်သွားမည်ဟု သိရသည်။
  • ရဲရွာရေအားလျှပ်စစ်စီမံကိန်းသည် မြန်မာနိုင်ငံတွင် အကြီးဆုံးရေအားလျှပ်စစ်စီမံကိန်း ဖြစ်သကဲ့သို့ စီမံကိန်းလုပ်ငန်းများ လုပ်ငန်းဆောင်ရွက်ရာ၌လည်း နိုင်ငံတော်က ငွေကြေး အမြောက်အမြား ကျခံသုံးစွဲခဲ့ပြီး အချိန်ယူ၍ နှစ်ရှည်စီမံကိန်းအဖြစ် ၀န်ထမ်းအင်အားများစွာ သုံးစွဲ၍ အင်တိုက်အားတိုက် စွမ်းစွမ်းတမံဆောင်ရွက်နေသော နိုင်ငံတော်၏ စီမံကိန်းကြီးတစ်ခုဖြစ်သည်။
  • ဆိုရပါမူ နိုင်ငံတော်မှ အချိန်၊ ငွေ၊ လုပ်အားများစွာ ရင်းနှီးမြှုပ်နှံရသော စီမံကိန်းကြီး တစ်ခုပါပေ။ နိုင်ငံ့အကြီးအကဲများအနေဖြင့် နိုင်ငံအတွက် အားထားရမည့် (၀ါ) နိုင်ငံအတွက် အကျိုးပြုမည့် ဤစီမံကိန်းကြီးကို အချိန်နှင့် တစ်ပြေးညီ တည်ဆောက်ပြီး လျှပ်စစ်ဓာတ်အား အမြန် ဖြည့်ဆည်း ပေးနိုင်ရေးအတွက် ငွေအင်အား၊ စက်ယန္တရားနှင့် စက်သုံးဆီ အပါအ၀င် လုပ်ငန်းသုံး ပစ္စည်းများကို လိုအပ်ချက်မရှိစေရန် ဂရုတစိုက် ပံ့ပိုးဖြည့်ဆည်းပေးလျက်ရှိပေသည်။
ရုပ်လုံးပေါ်လာ
  • ထို့အတူ အမှတ်(၁)လျှပ်စစ်စွမ်းအားဝန်ကြီးဌာနမှ ၀န်ကြီး၊ ဒုတိယ၀န်ကြီးနှင့် တာဝန်ရှိသူများ ကလည်း ရဲရွာရေအားလျှပ်စစ်စီမံကိန်းသို့ အိမ်ဦးနှင့်ကြမ်းပြင် အခါမလပ် ၀င်ရောက်၍ အနီးကပ် ကြည့်ရှု စစ်ဆေးကာ လိုအပ်သည်များကို ဖြည့်ဆည်းပေးလျက်ရှိခြင်းကြောင့် စီမံကိန်းလုပ်ငန်းများ သိသိသာသာ တိုးတက်၍ ရုပ်လုံးပေါ်လာခဲ့ပြီဖြစ်သည်။
  • စီမံကိန်းလုပ်ငန်းများ တည်ဆောက်ပြီးစီးပါက ရေယူအဆောက်အအုံ (Power Intake)ရှိ အချင်း ၂၂ ပေ၊ အလျား ၄၉၂ ပေရှိ ဖိအားမြှင့် သံမဏိပိုက်လိုင်း လေးလုံးမှ တစ်ဆင့် ရေလှောင်တမံမှ ရေကို တပ်ဆင်အင်အား စက်တစ်လုံးလျှင် ၁၉၇ ဒသမ ၅ မဂ္ဂါဝပ် အင်အားရှိ ဖရန်စစ်တာဘိုင် အမျိုးအစား ဓာတ်အားပေးစက် လေးလုံးသို့ ပို့လွှတ်ကာ ရေတွန်းအားဖြင့် စက်များ မောင်းနှင်၍ လျှပ်စစ် ဓာတ်အား ထုတ်လုပ်ဖြန့်ဖြူးသွားမည် ဖြစ်သည်။

ဓာတ်အားပေးစက် လေးလုံး၊ စုစုပေါင်း စက်တပ်ဆင်အင်အား မဂ္ဂါဝပ် ၇၉၀ မှ နှစ်စဉ် ပျမ်းမျှ လျှပ်စစ်ဓာတ်အား ကီလိုဝပ် နာရီသန်းပေါင်း ၃၅၅၀ ခန့် ထုတ်လုပ်ဖြန့်ဖြူးပေးသွားမည့် စီမံကိန်းကြီး တစ်ခုဖြစ်ပါကြောင်း သတင်းမြင်ကွင်း ရေးသားဖော်ပြလိုက်ရပါသည်။

(၂၀၀၈ ခုနှစ် အောက်တိုဘာလ (၉)ရက်နေ့ထုတ် မြန်မာ့အလင်း သတင်းစာမှ ထုတ်နှုတ် ဖော်ပြပါသည်။)

Comments are closed.

%d bloggers like this: