နှစ်စဉ် လျှပ်စစ်ဓာတ်အား ကီလိုဝပ် နာရီသန်းပေါင်း ၃၈၆ ထုတ်လုပ် ဖြန့်ဖြူးပေးမည့် ရခိုင်ပြည်နယ် သံတွဲမှ သူဌေး ရေအားလျှပ်စစ် စီမံကိန်း

November 25, 2008
(သံတွဲ နိုဝင်ဘာ ၂၃ ၊ ၂၀၀၈)
  • သံတွဲမှ ရွှေလှေကျေးရွာ ၁၅ မိုင်ခန့်ကွာဝေးပြီး ရွှေလှေနှင့် သူဋ္ဌေးချောင်း လမ်းဆုံမှ ၄ ဖာလုံခန့် ကွာဝေးပြီး လမ်းဆုံမှ လက်ယာချဉ်းကပ်လမ်းအတိုင်း မောင်းနှင်ရာ ၁၀ မိုင်ခန့် ကွာဝေးသဖြင့် စုစုပေါင်း ၂၅ မိုင်ခန့် ကွာဝေးပြီး တောအထပ်ထပ် တောင်အသွယ်သွယ်နှင့် မြင့်မားသည့် ချောက်ကမ်းပါး များဖြစ်ကာ ညနေ ၃ နာရီခွဲခန့်တွင် အမှတ်(၁)လျှပ်စစ်စွမ်းအားဝန်ကြီးဌာန ရေအားလျှပ်စစ် အကောင်အထည်ဖော်ရေးဦးစီးဌာန အမှတ်(၆)တည်ဆောက်ရေး သူဋ္ဌေးရေအားလျှပ်စစ်စီမံကိန်း သို့ ရောက်ရှိသည်။
  • လမ်းတစ်လျှောက်တွင် သဘာဝမှ ပေးသည့် တောင်တန်းကြီးများသည် တစ်နေရာတွင် မြေသားများနီကာ၊ တစ်နေရာတွင် ကျောက်တောင်၊ တစ်နေရာတွင် အညိုရောင်ဖြင့် ဆန်းကြယ်လှသည်။ တောင်ကုန်းအားလုံး သဘာဝသစ်ပင်ကြီးများ၊ ရော်ဘာပင်များ၊ ငရုတ်ကောင်းပင်များ၊ ငှက်ပျောပင်များနှင့် ပြည့်နေသည်။
  • သူဋ္ဌေးချောင်းရေမှာလည်း တောင်ကြားအတွင်း တသွင်သွင်စီးဆင်းနေသည်။ တောပျော် ကျေးငှက်နှင့် သားကောင်တို့ကလည်း ပျော်မြူးနေကြသည်။ ယင်းသို့ တောနက်သော်လည်း ငှက်ဖျား မရှိသည်က ဆန်းကြယ်လှသည့် သဘာဝတရားပင်။
မှတ်တမ်းတင်
  • ရှင်းလင်းဆောင်မှ လက်ထောက်ညွှန်ကြားရေးမှူး(မြို့ပြ) ဦးမြင့်ဦးက ကြိုဆိုကာ မြန်မာ့အလင်း သတင်းအဖွဲ့ သိလိုသမျှကို ရှင်းလင်းပြောပြပြီး စက်ယန္တရားကြီးများဖြင့် ဆောင်ရွက် လုပ်ကိုင်နေသည့် လုပ်ငန်းခွင်ကို လိုက်လံပြသသည်။ ကျွမ်းကျင်လှသည့် ဓာတ်ပုံသတင်းထောက် ကိုတင်စိုးကလည်း တောင်ကုန်းပေါ်တက်ကာ အပေါ်စီးမှ ဓာတ်ပုံများ ရိုက်၍ မှတ်တမ်းတင်သည်။
  • အမှတ်(၁)လျှပ်စစ်စွမ်းအားဝန်ကြီးဌာန ရေအားလျှပ်စစ်အကောင်အထည်ဖော်ရေးဦးစီးဌာန သည် နိုင်ငံတော်အတွင်း ပေါကြွယ်ဝသော ရေအရင်းအမြစ်များမှ ရေအားလျှပ်စစ်ထုတ်လုပ်ပြီး ခေတ်မီ ဖွံ့ဖြိုးတိုးတက်သော နိုင်ငံတော်သစ် တည်ဆောက်အကောင်အထည်ဖော်ရာတွင် အဓိက ပါဝင် ဆောင်ရွက်ရန်ဟူသော ဦးတည်ချက်နှင့်အညီ သူဋ္ဌေး ရေအားလျှပ်စစ်စီမံကိန်း သည်လည်း နိုင်ငံတော် အကျိုးစီးပွားနှင့် ဒေသခံများ အကျိုးစီးပွားဖြစ်ထွန်းစေမည့် စီမံကိန်းတစ်ခုဖြစ်သည်။
ရှင်းပြ
  • “နိုင်ငံတော်အကြီးအကဲ ရခိုင်ပြည်နယ် သံတွဲခရိုင်ကို ၂၀၀၄ ခုနှစ်က ရောက်ရှိလာပြီး ဒီစီမံကိန်း အကောင်အထည်ဖော်ဖို့ လမ်းညွှန်ခဲ့ပါတယ်။ ၂၀၀၅ ခုနှစ်မှာ သူဋ္ဌေးရေအားလျှပ်စစ်ဖြစ်နိုင်စွမ်း အခြေအနေများကို နိုင်ငံတော်အကြီးအကဲထံ တင်ပြရာ ဆက်လက်အကောင်အထည်ဖော် ဆောင်ရွက်ရန် လမ်းညွှန်မှု ပြုခဲ့ပါတယ်”ဟု လက်ထောက်ညွှန်ကြားရေးမှူး(မြို့ပြ) ဦးမင်းဦးက မြန်မာ့အလင်းသို့ ရှင်းပြသည်။
  • သူဋ္ဌေးရေအားလျှပ်စစ်စီမံကိန်းသည် သံတွဲခရိုင် သံတွဲမြို့ အရှေ့မြောက်ဘက် တောတောင် များအတွင်း သူဋ္ဌေးချောင်းပေါ်၌ တည်ရှိသည်။
  • ရေဆင်းဧရိယာ ၄၄၂ စတုရန်းမိုင်၊ ရေလှောင်တမံ အလျား ၂၀၂၈ ပေ၊ အမြင့် ၂၉၈ ပေ၊ တမံ အမျိုးအစားမှာ ဇုန်အမျိုးအစား (ကျောက်ဖြည့်တမံ၊ Zoned Type Rock Fill Dam)ဖြစ်ပြီး ကန်ရေပြည့် ရေလှောင်ပမာဏ ၂ ဒသမ ၂၁ သိန်းဧကပေနှင့် ရေအမြင့်မှာ ၂၀၅ ပေ ရှိကြောင်း သိရသည်။
မိုးရေချိန်
  • သံတွဲမြို့၏ နှစ်စဉ်ပျမ်းမျှ မိုးရေချိန်မှာ ၂၁၂ လက်မရှိပြီး သူဋ္ဌေးရေအားလျှပ်စစ်သို့ နှစ်စဉ် ပျမ်းမျှ ၂၃ ဒသမ ၃၂ သိန်းဧကပေ စီးဝင်နိုင်ပေသည်။
  • ရေပိုလွှဲအမျိုးအစားမှာ သံကူကွန်ကရစ် (Gated Ogee Type)ဖြစ်ကာ ရေပိုလွှဲအကျယ်မှာ ၃၃ ပေ x ၂ ပေါက်ဖြစ်၍ ရေပိုလွှဲဒီဇိုင်း ရေထုစီးနှုန်း ၇၄၁၅ ပေ စက္ကန့်ဖြစ်သည်။ ရေပိုလွှဲ ဥမင်လိုဏ် အမှတ်(၁)သည် အချင်း ၃၃ ပေ၊ အလျား ၂၃၂၆ ပေရှိပြီး အမှတ်(၂)ဥမင်လိုဏ်မှာလည်း အချင်း ၃၃ ပေ၊ အလျား ၁၈၇၅ ပေ ရှိကြောင်းနှင့် ဖိအားမြှင့် သံမဏိပိုက်လိုင်းသည် အချင်း ၂၉ ပေ၊ အလျား ၄၈၅ ပေ ရှိကြောင်း သိရသည်။
ထုတ်လုပ်မည်
  • တာဘိုင်အမျိုးအစားမှာ ဒေါင်လိုက် ဖရန်စစ်တာဘိုင်ဖြစ်၍ တာဘိုင်ရေထုစီးနှုန်းမှာ ၇၄၂၀ ကုဗပေ/စက္ကန့်ဖြစ်ပြီး တပ်ဆင်မည့် စက်အားမှာ ၃၇ မဂ္ဂါဝပ် x ၃ လုံး၊ ၁၁၁ မဂ္ဂါဝပ်ဖြစ်၍ နှစ်စဉ်ပျမ်းမျှ ကီလိုဝပ်နာရီသန်းပေါင်း ၃၈၆ ထုတ်လုပ်သွားမည်ဖြစ်သည်။
  • စီမံကိန်းကာလမှာ ၂၀၀၅ ခုနှစ်မှ စတင်ရာ ၂၀၁၂ ခုနှစ်တွင် ပြီးဆုံးမည်ဖြစ်ရာ ယခုအခါ မြန်မာ့အလင်းသတင်းအဖွဲ့သည် စက်ယန္တရားကြီးများနှင့် ၀န်ထမ်း ၃၅၀ ခန့်သည် ပင်မတမံလုပ်ငန်း ၇၆ ဒသမ ၉ ရာခိုင်နှုန်း၊ ရေပိုလွှဲလုပ်ငန်း ၇ ဒသမ ၇ ရာခိုင်နှုန်း၊ ရေယူအဆောက်အအုံလုပ်ငန်း ၂၀ ဒသမ ၉ ရာခိုင်နှုန်း၊ ရေသွယ်ဥမင်လိုဏ်လုပ်ငန်း ၄၆ ဒသမ ၆ ရာခိုင်နှုန်း အောင်မြင်စွာ ပြီးစီးနေသည်ကို တွေ့ခဲ့ရ သည်။

(၂၄.၁၂.၂၀၀၈ ရက်နေ့ထုတ် မြန့်မာ့အလင်း သတင်းစာပါ သတင်းခရီးသည် – သတင်းထောက် စဥ့်ကူစိုးဝင်း၏ “နှစ်စဉ် လျှပ်စစ်ဓာတ်အား ကီလိုဝပ် နာရီသန်းပေါင်း ၃၈၆ ထုတ်လုပ် ဖြန့်ဖြူးပေးမည့် ရခိုင်ပြည်နယ် သံတွဲမှ သူဌေး ရေအားလျှပ်စစ် စီမံကိန်း” ဆောင်းပါးမှ ထုတ်နှုတ် ဖော်ပြပါသည်။)