ဝန်ကြီး ဗိုလ်မှူးကြီးဇော်မင်း ရွှေကျင် ရေအား လျှပ်စစ် စီမံကိန်း ကြည့်ရှုစစ်ဆေး

(နေပြည်တော် ဒီဇင်ဘာ ၂ ၊ ၂၀၀၈)
  • အမှတ်(၁)လျှပ်စစ်စွမ်းအားဝန်ကြီးဌာန ၀န်ကြီး ဗိုလ်မှူးကြီးဇော်မင်းသည် နိုဝင်ဘာလ ၃၀ ရက်က ပဲခူးတိုင်း၊ ရွှေကျင်မြို့ အရှေ့မြောက်ဘက် ခြောက်မိုင်ခန့်အကွာ ကျောက်နဂါးကျေးရွာရှိ ရေအား လျှပ်စစ် အကောင်အထည်ဖော်ရေးဦးစီးဌာန အမှတ်(၄)တည်ဆောက်ရေးက အကောင်အထည် ဖော်လျက်ရှိသော ရွှေကျင် ရေအားလျှပ်စစ်စီမံကိန်းသို့ ရောက်ရှိပြီး လုပ်ငန်းခွင်အတွင်းရှိ ပင်မရေပိုလွှဲ လုပ်ငန်း၏ ကွန်ကရစ် သွန်းလောင်းပြီးစီးမှုအခြေအနေနှင့် သွန်းလောင်းရန် ပြင်ဆင်နေမှုအခြေအနေ၊ OGEE နှင့် တံတားတိုင်များ တည်ဆောက်နေမှု အခြေအနေ၊ စိန်လွန်ကျင်းတူးဖော်နေမှုနှင့် မြေကြီး ကျောက်သားတူးဖ်ာနေမှုတို့ကို ကြည့်ရှုစစ်ဆေးသည်။
ကြည့်ရှုစစ်ဆေး
  • ယင်းနောက် ၀န်ကြီးနှင့်အဖွဲ့သည် ဖိအားမြှင့်သံမဏိပိုက်လိုင်း တပ်ဆင်နေမှုနှင့် တပ်ဆင်ရန် ကျန်ရှိမှုအခြေအနေတို့ကို ကြည့်ရှုစစ်ဆေးသည်။
ထုတ်လုပ်ပေးနိုင်
  • ယခုအခါ ရွှေကျင် ရေအားလျှပ်စစ်စီမံကိန်း၏ ရေယူအဆောက်အအုံ တည်ဆောက်ပြီးစီးမှုမှာ ၉၅ ရာခိုင်နှုန်း၊ ဖိအားမြှင့် သံမဏိပိုက်လိုင်း တပ်ဆင်ပြီးစီးမှုမှာ ၆၆ ရာခိုင်နှုန်း၊ ပင်မရေပိုလွှဲလုပ်ငန်း တည်ဆောက်ပြီးစီးမှုမှာ ၅၈ ရာခိုင်နှုန်း၊ ပင်မတမံ တည်ဆောက်ပြီးစီးမှုမှာ ၆၉ ရာခိုင်နှုန်းနှင့် ဓါတ်အားပေး စက်ရုံ မြေကြီးကျောက်သားတူးဖော်ပြီးစီးမှုမှာ ၁၂ ရာခိုင်နှုန်းဖြစ်ပြီး စီမံကိန်းတစ်ခုလုံး၏ တည်ဆောက် ပြီးစီးမှုမှာ ၆၇ ဒသမ ၂၈ ရာခိုင်နှုန်း ပြီးစီးနေပြီဖြစ်ကာ အဆိုပါ စီမံကိန်းပြီးစီးပါက စက်တပ်ဆင်အင်အား ၇၅ မဂ္ဂါဝပ်မှ နှစ်စဉ်ပျမ်းမျှ ကီလိုဝပ်နာရီသန်းပေါင်း ၂၆၂ သန်းခန့် ထုတ်လုပ်ပေးနိုင်မည့် စီမံကိန်း ဖြစ်ကြောင်း သတင်းရရှိသည်။

Comments are closed.

%d bloggers like this: