ပဲခူးတိုင်း ဖြူးချောင်း ရေအားလျှပ်စစ် စီမံကိန်း လျှပ်စစ်(၁) ၀န်ကြီး ဗိုလ်မှူးကြီး ဇော်မင်း ကြည့်ရှုစစ်ဆေး

(နေပြည်တော် ဒီဇင်ဘာ ၂၇၊ ၂၀၀၈)
  • အမှတ်(၁) လျှပ်စစ်စွမ်းအား ၀န်ကြီးဌာန ၀န်ကြီး ဗိုလ်မှူးကြီး ဇော်မင်းသည် ဒီဇင်ဘာ ၂၅ ရက် နံနက်ပိုင်းက ပဲခူးတိုင်း ဖြူးမြို့နယ်၏ အနောက်ဘက် ခုနှစ်မိုင်ခန့်အကွာ ဖြူးချောင်းပေါ်၌ ရေအားလျှပ်စစ် အကောင်အထည်ဖော်ရေး ဦးစီးဌာန အမှတ်(၃) တည်ဆောက်ရေးက တည်ဆောက် အကောင်အထည် ဖော်လျက်ရှိသော ဖြူးချောင်း ရေအားလျှပ်စစ်စီမံကိန်းသို့ ရောက်ရှိပြီး ရေအားလျှပ်စစ်ဥမင်လိုဏ်အ၀င်ပိုင်း တူးဖော်ပြီးစီးမှုနှင့် ဆက်လက် တူးဖော်နေမှုတို့ကို လည်းကောင်း၊ ရေထိန်းတံခါးပြွန် တည်ဆောက်ပြီးစီးမှု၊ ဂိတ်တံခါးများချရန် ပြင်ဆင်နေမှု၊ ရေယူဥမင်လိုဏ် အထွက်ပိုင်း တူးဖော်ပြီးစီးမှုနှင့် ဥမင်လိုဏ်အတွင်း မြေသားထိန်းသိမ်းကာကွယ်မှု လုပ်ငန်းများ ဆောင်ရွက်နေမှုတို့ကို လည်းကောင်း ကြည့်ရှုစစ်ဆေးသည်။

ကြည့်ရှုစစ်ဆေး

  • ယင်းနောက် ၀န်ကြီးသည် ဓါတ်အားပေးစက်ရုံ တည်ဆောက်ရန် မြေကြီးကျောက်သားတူးဖော် နေမှုနှင့် ရေထုတ်မြောင်း၊ ရေလွှဲမြောင်း တူးဖော်နေမှုတို့ကို ကြည့်ရှုစစ်ဆေးသည်။

မဂ္ဂါဝပ် ၄၀

  • ဖြူးချောင်း ရေအားလျှပ်စစ်စီမံကိန်း၏ တမံတည်ဆောက်ခြင်းအပိုင်းကို လယ်ယာစိုက်ပျိုးရေး နှင့် ဆည်မြောင်းဝန်ကြီးဌာနက ဆောင်ရွက်လျက်ရှိပြီး ရေအားလျှပ်စစ်ဆိုင်ရာ တည်ဆောက်ရေး အပိုင်းကို အမှတ်(၁) လျှပ်စစ်စွမ်းအားဝန်ကြီးဌာနက တည်ဆောက်လျက်ရှိကာ စက်တပ်ဆင်အား မဂ္ဂါဝပ် ၄၀ ဖြစ်သည်။ ယခုအခါ ရေအားလျှပ်စစ်အပိုင်းတွင် ၄၃ ဒသမ ၇ ရာခိုင်နှုန်း ပြီးစီးနေပြီဖြစ်ကြောင်း သိရသည်။

Comments are closed.

%d bloggers like this: