လျှပ်စစ်ဓာတ်အားနှင့် စိုက်ပျိုးရေပေးဝေမည့် ဖြူးချောင်း ရေအားလျှပ်စစ် စီမံကိန်း

  • နိုင်ငံတော်အစိုးရက ပြည်သူများ လျှပ်စစ်ဓာတ်အား ပိုမိုရရှိသုံးစွဲနိုင်ရေးအတွက် လျှပ်စစ် ဓာတ်အားများ ထုတ်ယူနိုင်သည့် ရေအရင်းအမြစ်များရှိရာ ဒေသများ၌ ဓာတ်အားပေး စက်ရုံများ တည်ဆောက်၍ လျှပ်စစ်ဓာတ်အား ထုတ်ယူဖြန့်ဖြူးပေးလျက်ရှိသည်။
  • ထိုသို့ ဆောင်ရွက်ပေးလျက်ရှိသည့် စီမံကိန်းများအနက် ပဲခူးတိုင်း ဖြူးမြို့၏ အနောက်ဘက် ခုနှစ်မိုင်ခန့် အကွာတွင် တည်ဆောက်အကောင်အထည်ဖော် လျက်ရှိသည့် ဖြူးချောင်း ရေအားလျှပ်စစ် စီမံကိန်းလည်း ဖြစ်သည်။
  • ဖြူးချောင်း ရေအားလျှပ်စစ်စီမံကိန်းကို ရေအားလျှပ်စစ် အကောင်အထည်ဖော်ရေး ဦးစီးဌာန တည်ဆောက်ရေး (၃)က ရေယူ အဆောက်အအုံ လုပ်ငန်း၊ ရေထိန်းတံခါးပြွန် တည်ဆောက်ခြင်းလုပ်ငန်း၊ ရေသွယ် ဥမင်လိုဏ်ဖောက်လုပ်ခြင်းလုပ်ငန်း၊ ဖိအားမြှင့် သံမဏိ ပိုက်လိုင်းလုပ်ငန်းနှင့် ဓာတ်အားပေးစက်ရုံ တည်ဆောက်ခြင်း လုပ်ငန်းများကို အကောင် အထည်ဖော် တည်ဆောက်လျက် ရှိကြသည်။
  • ဆည်မြောင်းဦးစီးဌာနက ရေလှောင်တမံ တည်ဆောက်ခြင်းလုပ်ငန်း၊ ရေပိုလွှဲ တည်ဆောက်ခြင်းလုပ်ငန်း၊ ရေလွှဲဆည် တည်ဆောက်ခြင်း လုပ်ငန်း၊ ဆည်ရေသောက်စနစ် တည်ဆောက်ခြင်းလုပ်ငန်းများကို တာဝန်ယူ တည်ဆောက်လျက်ရှိသည်။
  • ဖြူးချောင်းရေအားလျှပ်စစ်စီမံကိန်းကို အကောင်အထည်ဖော် တည်ဆောက်လျက်ရှိသည့်အတွက် –

(၁) ဖြူးချောင်းရေအားလျှပ်စစ်မှ ထွက်ရှိသော လျှပ်စစ်ဓာတ်အားကို    နိုင်ငံတော်ဓာတ်အား

ကွန်ရက်စနစ်မှ တစ်နိုင်ငံလုံးသို့ ဓာတ်အား ဖြန့်ဖြူးပေးနိုင်ခြင်း၊

(၂) စစ်တောင်းမြစ်ဝှမ်းလွင်ပြင်၏ ဒေသအလိုက် ရေလွှမ်းမိုးမှုမှ ကာကွယ်နိုင်ခြင်း၊

(၃) စစ်တောင်းမြစ်ဝှမ်း၊ ဖြူး၊ ဇေယျဝတီဒေသများအတွင်းရှိ လယ်မြေများသို့ သီးထပ် စိုက်ပျိုး

နိုင်ရန်အတွက် ဆည်ရေ ပေးဝေ နိုင်ခြင်း

အကျိုးကျေးဇူးများ ရရှိခံစားနိုင်သည်။

  • ဖြူးချောင်း ရေအားလျှပ်စစ်စီမံကိန်းကို ၂၀၀၂ ခုနှစ်က အကောင်အထည်ဖော်ခဲ့ပြီး ၂၀၁၀ ပြည့်နှစ်တွင် ပြီးစီးမည်ဟု ကာလ သတ်မှတ်ထားသည်။
  • ဖြူးချောင်းသည် နွေ၊ မိုး၊ ဆောင်း ရာသီသုံးမျိုး အချိန်မရွေး ရေစီးဆင်းလျက်ရှိပြီး ပဲခူးရိုးမ တောင်လျှိုမြောင် ကြားများမှ စုပေါင်း စီးဆင်းလာခဲ့ပြီး ရေစီးသန်သည်။ နောက်ဆုံး စစ်တောင်းမြစ်ဝှမ်းထဲသို့ စီးဝင်သွားသည်။ အဆိုပါလုပ်ငန်းများကို ကွင်းဆင်း လေ့လာရာတွင် မြို့ပြအပိုင်း၊ စက်မှုအပိုင်းများမှ တာဝန်ယူ တည်ဆောက်နေသော လက်ထောက်ညွှန်ကြားရေးမှူး ဦးမြသူရ၊ လက်ထောက် အင်ဂျင်နီယာ (မြို့ပြ)များ ဖြစ်သော ဦးကျော်မိုးလှိုင်၊ ဦးထွန်းမင်းသိန်း၊ ဦးစိုင်းသူရကျော်ထွန်းနှင့် မြန်မာ အမျိုးသမီး အင်ဂျင်နီယာ ဒေါ်သန္တာနှင့် စက်မှုပိုင်းဆိုင်ရာ လက်ထောက်အင်ဂျင်နီယာ ဦးခင်မောင်ကြည် တို့ကလည်း ကဏ္ဍအလိုက် ရှင်းလင်း ပြသကြသည်။
  • ဖြူးချောင်း ရေအားလျှပ်စစ်စီမံကိန်းတွင် အင်ဂျင်နီယာဝန်ထမ်းများနှင့် အခြားအဆင့်ဝန်ထမ်းများ၊ ကျွမ်းကျင် လုပ်သားများ စသည်ဖြင့် ၁၉၆ ဦး နေ့ညမနား ဆောင်ရွက်နေကြသည်ကို တွေ့ရှိရသည်။
  • လျှပ်စစ်ဓာတ်အား ထုတ်လုပ်ရေးအတွက် အသုံးပြုပြီးရေကို ရေလွှဲဆည်မှတစ်ဆင့်၊ မြောင်းမကြီးမှ တစ်ဆင့် လယ်မြေဧရိယာ ဧကတစ်သိန်းကို ရေပေးဝေမည်ဖြစ်သည်။
  • ဖြူးချောင်း ရေအားလျှပ်စစ်မှ ထွက်ရှိလာသော လျှပ်စစ်ဓာတ်အားများကို ဇေယျဝတီ ဓာတ်အားခွဲရုံမှ တစ်ဆင့် ဓာတ်အားများကို မဟာဓာတ်အားလိုင်း ကွန်ရက်မှ တစ်ဆင့် တစ်နိုင်ငံလုံး ဖြန့်ဖြူးပေးမည်ဟု သိရှိရသည်။
  • ဖြူးချောင်း ရေအားလျှပ်စစ်စီမံကိန်းသည် နိုင်ငံတော်နှင့်ပြည်သူ၊ တောင်သူများအားလုံးအတွက် အကျိုးကျေးဇူး များစွာ ရရှိ စေသည်။ လျှပ်စစ်ဓာတ်အားပြည့်ဝစွာ ရရှိခံစားရမှု၊ လျှပ်စစ်ဓာတ်အား ထုတ်ပြီးသော ရေများကလည်း ရေလွှဲဆည်မှ စိုက်ပျိုးရေ ပေးဝေမည်ဖြစ်၍ လျှပ်စစ်ဓာတ်အားများ ရရှိခြင်းသာမက စပါးနှင့် အခြားသီးနှံများ တစ်သီးစားမှ နှစ်သီးစားအဖြစ်ပါ အကျိုးကျေးဇူး ခံစားရမည်မှာ သေချာနေပြီဖြစ်သည်။

Comments are closed.

%d bloggers like this: